|
| 星期三~好在意喎... 今日諗o左成日,到底留msg俾我o既係邊個呢???我留意o左好耐,只係知呢個人識得我,但我諗應該唔係Coci其中一個,有可能唔係chichi,因為冇打名之餘,Coci其他成員似乎冇收到同樣o既msg,反而仲搞到我好想知係邊個tim....= =lll...真係~"~ 給 Old Friend, 雖然係 just to say hi,但係至少你都俾我知你係邊個呀??如果你睇到我呢篇日記,留個msg俾我話俾我知啦,好唔好?thx~~!! | | |
| Ris~哈哈哈,純粹巧合啦~ Old Friend~係chichi嗎?(唯一諗到o既一個)係唔係都好,再留言俾我話俾我知你係邊個啦~thx!! 星期日~母親節 其實唔想太早起身,不過都係俾老公叫醒,死死地氣爬起身.老公一早就同姐姐出o左去買野,準備今日o既午餐,原本想去餐廳食飯,但係因為阿嬤o岩o岩出院住o係田度,行動都唔係太方便,所以我地就拿埋d野食一齊去田度食午飯. 我同個女換好衫就同埋成家人一齊出門口,以為開車去啦,點知原來係坐電單車,其實我唔係唔習慣,只係今次要載思月一齊去,自己就一定要好小心,思月坐o係我前面,車程雖然係唔遠,老公開得好慢,不過我都係向前抱到佢實一實唔敢有太多郁動. 落o左車仲有一段路要走,都係要抱住個女唔想俾佢自己走,直到去到田裡面個間屋先放佢落地.阿公,三叔仲洗緊菜,姐姐同細妹就去幫手,後來老公都一齊幫忙,跟住再執好晒d野先食飯.個女就周圍走,可能真係太耐冇出過街又未o黎過,再加上見到阿公,成個人high晒,要阿公帶佢去散步. 食午飯之前姐姐就送o左條金鍊俾阿嬤,平常阿嬤唔會要禮物,今年佢開口想要,咁我地就更係二話不說夾錢買俾佢tum o下佢開心啦. 午飯我冇食好多,食o左少少豬腳同兩塊pizza,因為要捉住個女食飯的確係好麻煩,最後都係由得佢周圍走o下,我自己就食先.食到最後o個陣剩低四塊,兩款每份有兩塊,姐姐就話大家分o左佢o黎食,老公仲以為我兩款pizza都有食到,其實由頭到尾我都係食同一款...= =lll 食完飯大家就傾計,講到6月思月生日,又係父親節,老公公司又咁o岩發禮券,話要去高雄食日本料理慶祝,o個兩張禮券唔知俾我老公放o左去邊,搵極都搵唔到,佢就話到時再搵唔到就退而求其次去食迴轉壽司lor. 今日又係細妹生日,所以我同佢生日係一齊慶祝,下午沖完涼姐姐問我買細塊o既草莓蛋糕好唔好,基本上我都冇乜所謂,因為我生日已經過o左,主要都係細妹鍾意就好.跟住姐姐就出o左去買啦. 夜晚食完飯,姐姐突然打電話上o黎話叫我抱埋思月一齊出去,話老公要我地一齊出去唱K,明明今日去加班結果又走返o黎話要去唱K = =,以為佢地全部人都o係門口等我,咁我就拿拿聲走去換好晒衫拿晒 d 野就走出去,去到門口我上氣唔接下氣,點知原來老公仲未返到o黎... 我地四丁友邊傾計邊等佢,等o左好耐都唔見人,細妹話唔想去,因為佢今日成日都有事,夜晚已經好累,叫我地自己去,跟住老公返到o黎姐姐就話算啦不如唔好去啦,星期一大家都要返工返學,咁就決定唔去,入屋食蛋糕慶祝. 食完蛋糕睇o下電視,姐姐邊抱貓邊睇,我就話貓仔都係俾姐姐抱唔肯俾我抱,老公就話冇d咁o既事,要抱黑波俾我地睇,咁我就想去搵黑波俾佢啦,跟住個女又走去爬樓梯喎,老公就話我第日生部電視同隻貓就好啦,意思話我顧住睇電視同玩貓唔理個女,我就即時塊面黑晒回o左句,好呀,等我有本事生再生lor!!= =連姐姐都覺得佢講說話好過份,就叫住佢唔俾佢再講. 返入房睇電影,睇到眼訓就訓覺~ 母親節快樂~~我生日快樂~~!!! | | |
| 奧比~我都好鍾意呢句話,所以特別po出o黎用~~我都會加油~~!!^v^ 星期五~終於買啦~~ 之前同老公講想買磨紗洗面乳,但係老公冇去買,今日佢終於幫我去買啦~~原本我想貫Pond's o既洗面乳,但係我都係有猶豫,因為我睇到clean & clear 出o左新product,又好想試o下喎,買到返o黎竟然係我想用o既clean & clear,好開心,我冇同老公講過話想買,佢竟然就買返o黎,話搵唔到Pond's o既洗面乳喎,hehehe~Lucky~~!! 星期六~屋企大返修 今日成日都有鑽地聲,我仲以為係出面整路(不過台灣o既道路一向都冇咩人理o既,爛o左都唔會有人修),下午出去倒垃圾先發現原來係我地屋企個廚房返修,牆壁打到連入面d紅磚都見得到,地下o個個水泥"sink"盤都打爛埋,成地都係碎片.之前有聽講過話有打算幫廚房返修,我仲以為係講o下,點知今日真係開始整修喎.因為我要去倒垃圾,所以有d唔好意思,好似阻到人地做工程咁,阿嬤同工人介紹我係孫媳婦,我同佢地打o左聲招呼就快速返入屋lu.我諗今晚都會係買便當,應該冇咁快整好成個廚房掛?? | | |
| 奧比~thz~~!!我會加油的~~!!! 星期一~俾兩父女激到爆血管!!!!>曰<lll 今日老公放假,一早俾佢開電視嘈醒,跟住訓返佢又話要去洗衫,洗好啦我就死死地氣起身曬衫啦.由朝早開始我就鼻敏感,噴嚏打個唔停. 中午食完飯,老公話要訓一陣跟住要出去辦事,咁咪由得佢訓 lor.咁天氣好熱,我同個女成身出晒汗,平時我地間房唔會點開窗,通常都係真係好熱o個陣就開冷氣,咁o岩今日外面又好大風好涼爽,諗住省d電費免得俾人唸,咁我就打開窗啦,果然真係好鬼涼.後來老公起身就問我做乜開窗,我就話好熱,佢就鬧我話係咪想俾人睇到我餵奶,咁我餵奶我都唔會對住個窗俾人睇o架嘛...我就冇再出聲啦,跟住佢同我講開上面個氣窗可以,但係唔可以開窗喎(屋企用o既係磨紗玻璃窗),但係開o左都係冇用o架,有用o既話我會仲開大個窗咩?=___=開o左都仲係有窗簾擋住,窗簾又拉唔開喎,咁我開o黎做乜呢?於是又係開冷氣,開o左都唔覺得涼過開窗 lor... 到夜晚食飯,個女同尋日一樣又唔肯食飯,一直餵佢都唔肯食,姐姐見我冇晒佢乎就叫我去食飯,佢幫我餵,佢話我唔夠惡所以餵唔到,我同佢講唔惡得,因為我個女係受軟唔受硬,愈逼愈唔肯食,姐姐格硬餵o左佢兩啖,最後都係唔肯食,咁阿公就帶佢出去散步啦,返入屋我地就講好唔俾佢食零食,免得佢以後唔食飯,佢就開始扭計發脾氣,我就帶佢返上房,後來佢總算乖乖地訓o左一陣,訓醒又開始扭計,諗住佢肚餓就叫老公整飯俾佢食,一開始都係唔多肯食,後來我唔追佢,佢就開始肯食飯,但係都係食唔晒,咁就由得佢 lor,麵佢又好鍾意食喎,飯就唔鍾意,真係...~"~累死~~ | | |
| 星期日~愚人節,黑到爆....Orz... 事源係咁o既... 食午飯開始,話說今日食麵啦,細妹拿阿嬤買o既麵上o黎俾我,一眼見晒,成碗都係紅卜卜o既辣醬,辣到跳舞,結果邊食邊飲綠茶,成杯俾我地兩母女飲晒.食完之後阿嬤又打電話o黎話佢食唔晒一碗麵,結果我去幫手食,食o左大半碗,好飽... 食完諗住睇完"轉角遇到愛"重播,個女扭計要開雪櫃,俾零食唔要,豆漿又唔要,諗住之前雪o左杯冰水飲得啦,咁就拿出o黎俾個女一齊飲,我倒落個碗仔度俾佢自己飲,個女又要學我倒水,我睇睇o下電視俾佢唔小心倒水潑到落條褲度,涷到彈起.... 同個女沖完涼上房,個女又開始扭計,要我抱住佢去廁所照鏡,房裡面其他鏡都唔要,係都要我抱佢去廁所先心滿意足喎...之後又飲豆漿,發現豆漿已經壞o左開始結塊,結果全部倒晒... 食晚飯,思月唔多肯食飯,餵佢食又扭扭擰擰咁,要姐姐大聲鬧先乖乖地食兩啖,跟住仲要唔小心撥到湯匙,連續兩次俾佢潑到成身都係湯同飯...好在佢都總算食完晒d飯...~"~ 夜晚伯婆過o黎搵阿公阿嬤,三個老人家一路睇電視一路傾計,個女比較怕生,所以我就抱住個女睇電視,想走上返房又唔好意思,於是等等等,等到個女覺得眼訓先有藉口返房.老公返到o黎我同佢講話大樽o既礦泉水就快飲晒,老公就去拿車上面o既礦泉水俾我,叫我雪住先,我就蹲o係雪櫃門前面放d樽啦,老公又心急想飲冰水,點知冰格個門口結晒霜痴住o左,佢就蹲o係我旁邊用力想整開度門,一整開,有塊冰直飛落我度,佢竟然仲問我做咩蹲o係佢後面喎,真係無野講lor... 老公又同我講話過兩日就送黑波走,話黑波已經差唔多可以斷奶,又可以自己跑上跑落比較獨立,諗住早d帶走免得姐姐拿錯貓喎...姐姐雖然冇應承過,不過都唔至於拿走黑波掛....?其實我真係唔想俾佢咁快就帶走,我比較擔心佢係咪真係走得,一走媽媽就唔o係身邊,斷奶唔係話斷就斷o架嘛,另一方面就係唔捨得lor,唉~~ 夜晚又咁o岩俾我睇到TVBS有"美女廚房",於是就睇啦,見楊思琦,焦媛同周汶琦亂咁煮,笑死我~~最好笑係班評審食到反晒胃,勁好笑,呢個時候個女又開始作反,將掛o係遊戲床上面d衫同毛巾扯晒落o黎,我望住佢,佢就竟然同我講o左句"幹嘛",我先想問佢"幹嘛",真係好嬲又好笑... 睇到一半個女又好似想訓咁,咁我就熄燈諗住訓覺啦,點知熄o左燈個女玩得仲high,哄o左佢好耐先哄到佢訓著...累死我~~!! 總而言之,真係黑到不得了~~~!!!!>___< | | |
|
